यहाँलाई शैक्षिक तालिम केन्द्रको तर्फबाट म श्यामप्रसाद आचार्य स्वागत गर्दछु । यदि यहाँ शिक्षा क्षेत्रमा आफनो केही योगदान हुनु पर्दछ भन्ने सोच्नु हुन्छ भने हामीले शिक्षकको पेशागत विकास कार्यक्रमको भाग तीन शैक्षणिक परामर्षका अवसरमा भोजपुरका शिक्षकहरुले धेरै समस्याहरु राख्नुभएको थियो । कयौँ समस्या विषयगत थिए जो यहाँ प्रस्तुत गरेको छैन । केही समस्याहरु समसामयिक र उल्लेख्य ठानेर यहाँ प्रस्तुत गरेको छु । यी प्रश्नहरु एकपटक सरसर्ती पढ्नुहोस् । अनी जती सक्नुहुन्छ त्यती सम्याको बारेमा समाधानका उपाय वा प्रतिक्रिया लेखी आफ्नो भूमिका जनाइदिनुहोला । तपाइको योगदान नेपालका लागी महत्वपूर्ण हुन सक्दछ । तपाइले दिएको उत्तर तपाइको अनुमतिमा तपाइको नाम समेत उल्लेख गरी प्रकाशित गरिने छ । प्रतिक्रिया या त email ; etcbhojpur@yahoo.com, shyam.acharya@yahoo.com अथवा यही ब्लगमा आफनो समाधान वा प्रतिक्रिया दिनुहोला ।।
===========================================================
२०६७ साल आसाढ महिनामा भोजपुरमा गरिएको शैक्षणिक परामर्शका क्रममा शिक्षकहरुले राखेका समस्याहरुः
1. विद्यार्थीहरु धेरै छन् कसरी म्यानेज गर्ने ?
2. English का Reference Book को अभाव
3. ठूलो कक्षा control गर्न कठिन
4. तलिममा सिकेका कुरा लागु गर्न कठिन
5. अभिभावकको विद्यार्थीको क्रियाकलापप्रति उदासिनता - विद्यार्थी अनुपस्थीत
6. अभिभावकले छोराछोरीको पढाइप्रति रुची देखाएका छैनन् ।
7. प्रत्यके कक्षामा बालबालिकाको उमेर भिन्न भिन्न छ
8. अङ्ग्रेजि बोर्डिङ विद्यालयमा वढदो विद्यार्थी चाप, सामुदायिक विद्यालयमा घट्दो
9. सि०अ०क०को तालिम छैन । आवश्यक भएको
10. विद्यार्थीहरु कापी किताव लिएर विद्यालय आउँदैनन् । शिक्षण गर्न गाह्रो
11. अभिभावकहरु बोर्डिङमा बालबालिकालाइ निगरानी गरेर पठाउँछन् तर सामुदायिक विद्यालयमा त्यसरी पठाउँदैनन् ।
12. विद्यार्थीको स्तर कक्षामा समान छैन । उच्च स्तरबाट शिक्षण गर्दा न्यून लाई नसमेटिने । न्यूनबाट जाँदा उच्च क्षमता भएकालाइ नसमेटिने ।
13. शिक्षकको गाइडबाट विद्यार्थीबाट समाधान आओस् भन्ने चाहना भएको तर त्यो हुन नसकेको
14. विद्यार्थी विद्यालय आउँदैनन् आएभनेपनी होमवर्क गर्दैनन् ।
15. शिक्षक निर्देशिका पाइदैन । उपलब्ध छैन । सशुल्क भएपनि उपलब्ध गराइदिए हुन्थ्यो ।
16. गृहकार्य जाँच गर्न समयको अभाव छ ।
17. नेपाली विषयमा शुद्धाशुद्धीको नयाँ मानक छैन । एउटै छैन । श र स को फरक हुने अवस्था के हो ? पाठ्यपुस्तकमा परिक्रमण, भ्रमण र प्रदक्षिणको एउटै अर्थ दिएको छ के यो सही हो ?
18. नेपालीमा छन्दको थोरै मात्र परिचय दिएको छ तर सिकाउनु पर्ने धेरै छ । SLC मा प्रश्न पनि सोधिँदैन । के यो हटाउन मिल्दैन ?
19. Liberal class promotion ले समस्या ल्यायो । CAS बाट कक्षोन्नतिबाट कक्षा ३ मा पुगेपनि क,ख,ग, नै पढाउनुपर्ने हो की ?
20. सामुदियक विद्यालयमा शिक्षा निःशुल्क भएर हो की अभिभावकको चासो कमी भएको?
21. Project Work विद्यालयमा मात्र सिमित भयो । विद्यार्थीहरु PW गर्न उत्साहित छैनन् ।
22. विद्यार्थिलाइ विद्यालयमा उपस्थीत गराउने सीप केही छ की?
23. सामाजिक अध्ययन विषयमा Socialization सीप भनेको के के हो? कति हो?
24. सामाजिक अध्ययनमा कक्षामा प्रयोगात्मक अभ्यास गराइन्छ तर SLC मा प्रयोगात्मक परीक्षा राखेको छैन किन होला । राख्न सकिदैन र?
25. Geographical Map को projection शिक्षण गर्न गाह्रो भयो ।
26. पृथ्विको अक्षको झुकाव ६६.५ डिग्रि कता र कुन दिशामा हो ?
27. लोक नाच र गीत सम्बन्धमा पाठ्यपुस्तकमा समस्याहरु दिइएको छ तर उत्तर छैन । कहाँबाट पाउने ? कि दिनुपर्यो की हटाउनु पर्यो । यस्ता विषयवस्तु पाठ्यपुस्तकमा राखिएको छ जसको शिक्षण हामीबाट मात्र सम्भव छैन । Resource person ल्याउने भनेको छ तर त्यस्ता Resource Personn स्थानीय स्तरमा पाइँदैनन् ।
28. Field Trip मा विद्यार्थी control गर्न गाह्रो छ कसरी गर्ने ?
29. सानो कक्षाकोठामा धेरै विद्यार्थी रहेको अवस्था छ कसरि कक्षा ब्यवस्थापन गर्ने?
30. कक्षामा न्युनतम सिकाइ उपलब्धी समेत नभएका विद्यार्थी भएकाले समस्या अएको छ
31. विद्यालयका शिक्षकहरु जि.सि.का., तालिमकेन्द्र, सँघसँस्था, पेसागत सङ्गठनका कार्यक्रममा सहभागी हुँदाहुँदै कक्षाकोठामा समय दिन कठिन भएको ।
32. सिकाइ उपलब्धी बृद्धि गर्न प्रयास गर्दा गर्दै पनि बृद्धि नभएको ।
33. भाषाका चार सीप विकास गर्न कठिनाइ भएको छ । कुन बाटोमा अगाडी बढ्ने?
34. Optional Math मा कुनै कुनै समस्या समाधान हुन्छ तर Formula मलाइ थाहा छैन । कसरी शिक्षण गर्ने?
35. विद्यार्थीले लेख्ने क्रममा (१, 4, 9) र (6, ७ ) लाइ मिसाएर लेख्छन् । यस्तो समस्याको समाधान के हो ?
36. कुनै कुनै विषयवस्तु शामाजिक अध्ययन विषायमा दिएको छैन । विद्यार्थीले किन यस्तो भयो होला भनी सोधेमा नाजवाफ हुनु परेको छ ।
37. शामाजिक अध्ययन विषायमा धेरै विषयवस्तु दिइएको छ । पाठ्यपुस्तकमा त्यसबारेमा सुचना दिइएको छैन । अनुमानको आधारमा शिक्षण गर्नु परेको छ ।
38. अभ्यासमा धेरै कुरा सोधिएको छ । कितावमा दिइएको छैन । विद्यार्थीले अभ्यास गरेर आउँदैनन् ।
39. समूह कार्य गराउन सकिएको छैन ।
40. हामीले सिकाउन खोजेको कुरा विद्यार्थीसम्म पुग्यो पुगेन भनी कसरी लेखाजोखा गर्ने?
41. लोक धुन, लोक बाजाका बारेमा धारणा दिने स्रोत हामीसँग छैन के गर्ने ?
42. विज्ञानमा Valency २ प्रकारका दिइएकोव छ । यो किन भयो होला?
43. भवनका कारण विज्ञानको Experiment गराउन सकिएको छैन ।
44. अङ्ग्रेजीमा Reported Speech शिक्षण गर्न कठिन ।
45. अङ्ग्रेजीमा विद्यार्थी Response गर्दैनन् । लेखेको मात्र सार्दछन् । के गर्ने ?
46. सिकाइ उपलब्धी नभएका विद्यार्थीलाइ कछ्योन्नती नगराउनु पर्नेमा गराएकोले समस्या ।
47. शिक्षणसिकाइका लागि आवश्यक सामग्री किन्न प्र०अ० उदासिन छन् ।
48. एउटै कक्षामा १२० जनाभन्दा बढि विद्यार्थी छन् कसरी शिक्षण विधी, सामग्री र मुल्याङ्कन गर्न सम्भव हुन्छ र ? आमसभामा बोलेजस्तोव गर्नु परेको छ ।
49. हामी त स्थानीय भाषाका ठाउँमा अङग्रेजी पढाउँछौ । अभिभावक पनी त्यही चाहन्छन् ।
50. कक्षा दससम्मपनि विद्यार्थी नेपालीमा शुद्ध लेख्न र उच्चारण गर्न सक्दैनन् ।
© Educational Training Centre, Bhojpur
Presentor: Shyam Prasad Acharya
For. Senior Instructor
Valuable!!
ReplyDeleteYour comment is very valuable
ReplyDeleteYes these problems are being cited by many comm. school teachers. Hope we will find the correct answer of these questions.
ReplyDelete